စည်းကမ်းချက်များနှင့် သတ်မှတ်ချက်များ

မိမိတို့၏ Device အား Factory Reset ပြုလုပ်ပါက Device ID (User ID) ပြောင်းလဲသွားနိုင်ပါသည်။(သို့မဟုတ်) TV (Device) ပျက်၍ အခြား TV (Device) တစ်လုံးအားပြောင်းလဲအသုံပြုပါက Device ID မတူညီပါ။ Device ID ပြောင်းလဲသွားပါက Premium သက်တမ်း ပျောက်ဆုံးသွားနိုင်သည့်အတွက် မိမိ၏ မူလ Device ID အား သေချာစွာ မှတ်သားထားပေးရန် မေတ္တာရပ်ခံအပ်ပါသည်။ Device ID ပြောင်းလဲသွားပါက ID အဟောင်းအား ပြန်လည်ပြသ၍ သက်တမ်းတိုးမြှင့်ခြင်း၊ သက်တမ်းပြန်လည်ထည့်သွင်းခြင်း ကို ဆောင်ရွက်နိုင်သော်လည်း ID အဟောင်းအား မှတ်မိခြင်းမရှိပါက သက်တမ်းပြန်လည်ရရှိရန် တာဝန်ယူပေးနိုင်မည် မဟုတ်ပါ။

နိုင်ငံတော်၏ ထုတ်ပြန်ချက်များနှင့် တားမြစ်ချက်များကြောင့် အချို့သော ဇာတ်ကားများ သို့မဟုတ် ဘောလုံးပွဲစဉ်များအား ပြသခွင့် မရှိတော့ပါက ပေးဆောင်ထားသော လစဉ်ကြေးများအား ပြန်လည်ပေးအပ်သွားမည် မဟုတ်ပါ။

ကြည့်ရှုသူ၏ အင်တာနက်လိုင်း (Speed) မကောင်းခြင်း နှင့် VPN လိုအပ်ခြင်း ကြောင့် ဗီဒီယိုများ ကြည့်ရှုရာတွင် ထစ်ငေါ့ခြင်း၊ လေးလံခြင်းများအတွက် ကျွန်ုပ်တို့မှ တာဝန်ယူဖြေရှင်းပေးမည် မဟုတ်ပါ။ အကောင်းဆုံး ကြည့်ရှုနိုင်ရန် တည်ငြိမ်သော အင်တာနက်လိုင်း နှင့် VPN မလိုသော အင်တာနက်လိုင်းကို (ဥပမာ- Fiber WiFi) အသုံးပြုရန် အကြံပြုပါသည်။

ShalSport App သည် နိုင်ငံတကာ ဘောလုံးပွဲစဉ်တိုက်ရိုက် Liveများ၊ Highlights များနှင့် မြန်မာစာတမ်းထိုး ဇာတ်ကားကောင်းများအား အဓိကထား ဝန်ဆောင်မှုပေးနေသည့် App ဖြစ်ပါသည်။ အရန်ဝန်ဆောင်မှုအဖြစ် ထည့်သွင်းပေးထားသော မြန်မာတီဗီချန်နယ်များနှင့် နိုင်ငံတကာရုပ်သံလိုင်းများ (Live TV Channels) သည် ပြင်ပ Source များမှတစ်ဆင့် ထုတ်လွှင့်ခြင်းဖြစ်သောကြောင့် လိုင်းပြတ်တောက်ခြင်း သို့မဟုတ် အချို့အချိန်များတွင် ကြည့်ရှု၍မရခြင်းများ ရှိနိုင်ပါသည်။ ထိုသို့ ရုပ်သံလိုင်းများ ပြတ်တောက်မှုအတွက် ကျွန်ုပ်တို့မှ တာဝန်ယူဖြေရှင်းပေးမည်မဟုတ်သလို၊ ၎င်းရုပ်သံလိုင်းများအတွက် သီးသန့် ဝန်ဆောင်မှုကြေး ကောက်ခံထားခြင်း မဟုတ်ပါသဖြင့် လစဉ်ကြေး ပြန်လည်တောင်းခံရန် အကျုံးမဝင်ပါကြောင်း လေးစားစွာ အသိပေးအပ်ပါသည်။

ShalSport ထံမှ တိုက်ရိုက် ဝယ်ယူထားခြင်းမဟုတ်ဘဲ အခြားသော အရောင်းကိုယ်စားလှယ်များ သို့မဟုတ် TV ဆိုင်များမှတစ်ဆင့် ဝယ်ယူခြင်းနှင့် ပတ်သက်၍ အငြင်းပွားဖွယ် တစ်စုံတစ်ရာ ဖြစ်ပေါ်လာပါက ShalSport မှ တာဝန်ယူ ဖြေရှင်းပေးမည် မဟုတ်ပါ။

ShalSport ဝန်ဆောင်မှုသည် အခါအားလျော်စွာ ဝန်ဆောင်မှု ဈေးနှုန်းများနှင့် App ပုံစံကို ပြောင်းလဲပိုင်ခွင့်ရှိပါသည်။ ထိုသို့ ပြောင်းလဲမှုများကို User များထံ ထင်ရှားသော နေရာမှတစ်ဆင့် အသိပေးသွားပါမည်။

ကျွန်ုပ်တို့သည် ၂၄ နာရီ Hot Line မဟုတ်ပါသဖြင့် Viber မှ မေးမြန်းမှုများအား ချက်ချင်း အကြောင်းမပြန်နိုင်ပါက ခေတ္တစောင့်ဆိုင်းပေးပါရန် မေတ္တာရပ်ခံအပ်ပါသည်။ နာရီပိုင်းအတွင်း အမြန်ဆုံး ပြန်လည်အကြောင်းပြန်ပေးပါမည်။ ထို့အပြင် တနင်္လာနေ့တိုင်းသည် ရုံးပိတ်ရက် ဖြစ်ပါသဖြင့် အကြောင်းပြန်ကြားခြင်း ဆောင်ရွက်ပေးမည် မဟုတ်ပါ။

Premium ဝယ်ယူရာတွင် အဆင်ပြေချောမွေ့စေရန်အတွက် အောက်ပါလုပ်ထုံးလုပ်နည်းများကို လိုက်နာပေးရန် လိုအပ်ပါသည် -

• • Premium ဝယ်ယူရန် ဖော်ပြထားသော Mobile Wallet ( Kpay,Wavepay,CB Pay,Aya Pay ) များသို့ ငွေလွှဲပြီးနောက် ငွေလွှဲပြေစာ (Transaction Screenshot) အား Support Team(Viber) ထံသို့ မဖြစ်မနေ ပေးပို့ရပါမည်။ ပြေစာပေးပို့ခြင်း မရှိပါက သက်တမ်းထည့်သွင်းပေးခြင်း ဆောင်ရွက်ပေးနိုင်မည် မဟုတ်ပါ။
• • ငွေလွှဲပြေစာတွင် Transaction ID (ငွေလွှဲအမှတ်စဉ်) နှင့် နေ့စွဲ/အချိန် တို့ ရှင်းလင်းစွာ ပါဝင်ရပါမည်။ ငွေလွှဲသည့်အခါ မှတ်ချက် (Note) တွင် မိမိ၏ Device ID ကို တစ်ပါတည်း ထည့်သွင်းပေးခြင်းဖြင့် ဝန်ဆောင်မှုကို ပိုမိုမြန်ဆန်စွာ ရရှိနိုင်ပါသည်။
• • ငွေလွှဲပြေစာအား Photoshop ဖြင့် ပြင်ဆင်ခြင်း၊ သူတစ်ပါး၏ ပြေစာအဟောင်းများအား အသုံးပြုခြင်း စသည့် အတုအပပြုလုပ်မှုများ တွေ့ရှိပါက အဆိုပါ Device အား အမည်ပျက်စာရင်းသွင်း (Blacklist) လုပ်၍ ဝန်ဆောင်မှု ရပ်ဆိုင်းသည်အထိ အရေးယူသွားမည် ဖြစ်ပါသည်။
• • ငွေလွှဲပြီး (၂၄) နာရီအတွင်း ပြေစာပေးပို့ရန် ပျက်ကွက်ပါက စာရင်းပြန်လည်စစ်ဆေးရန် ခက်ခဲနိုင်သဖြင့် အမြန်ဆုံး ပေးပို့ပေးပါရန် မေတ္တာရပ်ခံအပ်ပါသည်။
• • ပြေစာပေးပို့ပြီးနောက် Premium သက်တမ်းဝင်ရန်အတွက် စာရင်းစစ်ဆေးချိန် ၅ မိနစ်မှ ၁ နာရီအတွင်း ကြာမြင့်နိုင်ပါသည်။ ပိတ်ချိန်(သို့)ပိတ်ရက်ဖြစ်ပါက ထို့ထက်ပိုကြာနိုင်ပါသည်။
• • ဖော်ပြထားသော ဖုန်းနံပါတ် သို့မဟုတ် အကောင့်များသို့သာ သေချာစွာ စစ်ဆေး၍ ငွေလွှဲပေးရန် လိုအပ်ပြီး နံပါတ်အမှားသို့ လွှဲမိပါက ကျွန်ုပ်တို့မှ တာဝန်ယူဖြေရှင်းပေးမည် မဟုတ်ပါ။

ကျွန်ုပ်တို့၏ Support Team (Viber/Telegram/Phone Call) သို့ ဆက်သွယ်မေးမြန်းရာတွင် ဆဲဆိုမိုက်ရိုင်းခြင်း၊ ရိုင်းပြစွာ တုံ့ပြန်ခြင်းနှင့် ခြိမ်းခြောက်ခြင်း များ ပြုလုပ်ပါက ၎င်း Device ID အား ဝန်ဆောင်မှု ရပ်ဆိုင်းခြင်း (Account Ban) နှင့် Premium သက်တမ်းအား ငွေပြန်အမ်း၍သော်လည်းကောင်း ငွေပြန်အမ်းခြင်းမပြုဘဲ နှင့်သော်လည်းကောင်း ဖျက်သိမ်းခြင်းတို့ကို လုပ်ဆောင်သွားမည် ဖြစ်ပါသည်။

ShalSport App တွင် အပြာကား (Pornographic Content) များ လုံးဝ (လုံးဝ) ပြသခြင်း မရှိပါ။ သို့သော်လည်း ဇာတ်ကားအမျိုးအစားအလိုက် အချစ်ခန်း (Romance) နှင့် အကြမ်းဖက်မှု/သွေးထွက်သံယိုခန်း (Violence/Blood) များ ပါဝင်နိုင်ပါသည်။ ထို့ကြောင့် အသက်မပြည့်သေးသော ကလေးသူငယ်များ ကြည့်ရှုရာတွင် မိဘအုပ်ထိန်းသူများမှ သင့်တော်သော လမ်းညွှန်မှု (Parental Guidance) ပြုလုပ်ပေးရန် အကြံပြုအပ်ပါသည်။ (ဇာတ်ကားတစ်ခုချင်းစီ၏ Rating များအား ကြည့်ရှု၍ ဆုံးဖြတ်နိုင်ပါသည်)